本身自己塊面比較薄，容易生暗倉，秋冬天氣轉先會有少少敏感
所以前2年加入美容院系列（出名的連鎖美容院），每月會做一次facial.
咩laser,碳激光、深海埋針、彩光咩都試過.,浪費不少$$
做完有繼續生暗倉，通常每種facial都叫你買幾次做，先有效果，
而家想起真的是廢話！騙人！
今年2013年5月，做完facial後，成塊面突然紅曬，好似燒傷甘，又紅又熱！
打去美容院，個顧問話敏感，就甘叫我冰敷，之後問都無問！
唯有看皮膚專科醫生，吃了藥，塗類固醇後有好翻，但過了一兩星期又復發！
情況更加嚴重，都要硬著頭皮翻工。
等了一星期見醫生，說是急性濕疹，好嚴重，痕+紅+熱，一塊爛面！！！
吃了一星期抗生素、塗類固醇，有好翻，但過了一兩個星期又復發。。。=.=
只手又有蕁麻疹，加小小濕疹，好痕好痕，醫生話系對紫外線敏感，但我以前5會的....
當時真的好唔開心，好辛苦，天塌下來，絕望......
後來，上網見到好多人都被濕疹困擾，看了他們的留言發現塗類固醇只會傷害皮膚，
而且只能暫時控制病情，停藥後通常又再復發。
我自己都覺得每次看皮膚醫生，他只會開抗生素+類固醇 ，
加上食得多會有抗藥性，上網搜查資料，見到中醫指濕疹是：濕熱造成；與免疫系統有關。
回想自己的生活習慣，過去2、3年經常食雪糕、凍飲、零食....
所以我決定自己運用中醫方法：戒口+調理身體！
對抗濕疹方法：
1.戒口：蛋、牛、魚、菇類、紅色蔬菜、雞肉都少食、煎炸食物、零食、凍飲、甜食、加工食物（餐肉、腸仔）
2.龜苓膏：每日一樽濕熱去濕龜苓膏
3.保濕非常重要，特別是濕疹時期！請選擇無香料的cream!
4保持皮膚清潔：汗水令濕疹更嚴重，有汗要立刻用水+紙巾抹去，再立刻塗保濕。（我成日袋著枝cream,tissue,水）
5防曬：擔遮，加用低敏防曬，手就戴防曬手袖
6耐性、堅持非常重要（以前我覺得系廢話，但親身經歷後發現系事實）！曾經我試過放棄，不過回想自己食濕熱野都唔系1-2星期既事，濕疹又點會奇蹟般明顯好轉，當中有試過反反复复復發，但系系好少，5洗藥物，之後幾日又開始自己好轉，唔系以前甘一大達，成塊面！
而家2013年8月尾，我塊面無濕疹了，手無蕁麻疹了，都無復發，系只手指還有好小好小濕疹，但5痕，注意保濕，5好接觸洗衣粉等化學物質便可。雖然第日可能會再復發，但我相信只要繼續調理好身體，即使復發都系細範圍.^^
我特意開個blog同其他濕疹的朋友分享我的濕疹日記，希望幫到手，告訴你別要絕望，我塊面甘爛都可以康復，你都可以！
同時勸諭各位，美容院是無底深淵，還是早點退出，倒不如從內調理身體。而家我有時都會生暗倉，特別經期時，但少左，加上食龜苓膏，暗倉會自己消退，千萬5好擠出來，會有印；去美容院只會幫你清完，有時留低印，然後又叫你join d plan去印==
5洗join plan 去印，自己多喝水，多做運動，保持清潔，皮膚自己本身有新陳代謝的。。。
